martes, 21 de noviembre de 2017

Fornos

Fa un mes que no pleve, e ya cal.
La zaguer vegata que plevió el fayiócon ganas, tanta augua cayió que el Chorro Fornos saliba a tot meter. E comoen  saliba tantisma, nian quité la camara de la mochila perque no iban a quedar bien las fotos. Bien se me valió que, tornando, en un lampayón entre es árbols podié veyer estas luces de tardes.



miércoles, 8 de noviembre de 2017

Agüerro V

Esta vegata tocó Pineta, la mía amata Pineta e per lo río Lalarri, que el tiengo més visto que el TBO, pero i viengo per cada anyo. M'encantan las texturas d'ixas rocas.









domingo, 29 de octubre de 2017

Agüerro IV

Per un regular, goso ir ta esta zona bien luego de maitins e quan arriba el sol, me'n voi ta abaixo. Esta vegata, per altras circumstancias, el fayé de revés. I puyé quan encara i heba sol, comié, me fayié una clucateta e quan marchó el sol prencipié a fer fotos. Fue una tarde pro productiva, encara que no ye el millor agüerro que he visto.












martes, 24 de octubre de 2017

Agüerro III

Un domingo me'n fue ta Ordesa de tardes pensando en aprofitar es zaguers momentos d'el día pa fer fotos de l'agüerro contando con que ya quasi no i quedaría chent. Fayé el que hebe pensato pero tamién se m'ocurrió que, ya que ib'yere, podebe arribar dica la Cola de Caballo e fer bel·la nocturna con la luna plena. Asinas que ixo fayé, pero me farté a que la luna salís per dencima de las montanyas e fue marchando cara abaixo, e bien se me'n valió, perque arribé bien chusto de batería d'el frontal.







miércoles, 18 de octubre de 2017

Agüerro II

Contino con las fotos d'este atipico agüerro de 2017. La sequera ha feto que venís antes e que no sía tan bonito como altros, pero siempre se puede fer qualque cosa.




lunes, 16 de octubre de 2017

Agüerro 1

Estianyo l'agüerro veniba pro adelantato respecto a estes zaguers anyos, quan quasi yera a punto pa cabo d'octubre. Se deberá a la sequera, cuento, e talment a las altas temperaturas.
El zaguer cabo de semana de septiembre aprofité un día que salió plevendo pa fer-me una cursa per Buixaruelo e per O puent d'as crabas en un día muit productivo, u a'l menos fue un disfrute pa's sentitos :-)







martes, 10 de octubre de 2017

Cullita de septiembre

Septiembre no ye estato un mes guaire productivo fotograficament per quantas qüestions, pero bel·la coseta s'ha puesto fer.
Dende un mirador que no guaire leixos:
 
 Anyisclo nunca no defrauda:

 Un atardeixer increíble, que duró poco. Yo cuento que yere dezaga de l'arco de Sant Chuan:
 E encara en queda bel·launa més de septiembre, pero ya son més de colors d'agüerro.



martes, 3 de octubre de 2017

Guaso

Guaso ye un mirador excepcional de la parte media de Sobrarbe, amés d'un puesto que mereix una vesiteta per er mesmo (arquitectura tradicional e la ilesia e l'exconchuradero). Tos deixo bel·la foto d'este verano feta dende Guaso u enta Guaso.





martes, 26 de septiembre de 2017

Miradors

I hai puestos t'an que tornar una e altra vegata, pos nunca trobas las mesmas luces. Gracias Alfonso per llevar-me-ie :-)




lunes, 11 de septiembre de 2017

Man Pacina de Pineta

Estié treballando quantos anyos de celador en el Parque, en el sector Pineta, he feto muta montanya per la valle Bielsa e i conoixco mutos cados bien bonicos. Pero encara tenebe una qüestión pendient per descubrir e a la que le tenebe mutas ganas: recorrer la Man Pacina de Pineta per alto.
Per fin, a cabo de chuliol e gracias e a la companyía e guía d'un amigo que la conoixeba, podié deixar de tener-la en oendients.
Se veyen unas envistas de Pineta espectaculars, per poco vistas, pero el que més goyo me fayó fue la sensación de pasar per un territorio poco humanizato, pos dende que no se i lleva bestiar, bien poca chent pasa per astí. Asinas ye, sin camins, salvache... Una experiencia pa totz es que nos fa goyo la montanya.
No m'ha vagato de revelar, perque l'ordenador me va fatal, pero cuento que estas  son las millors d'ixe día.




miércoles, 6 de septiembre de 2017

Ibón d'Acherito

Este verano el prencipié fendo una salida d'una nuet difuera d'el mío país, Sobrarbe. Marché enta l'ibón d'Acherito, en la val d'Echo, an que i yere estato feba trenta anyos u més. Tenebe ganas de salir t'altros horizonts e feba días que querebe ir-ie. Asinas que i fue a fer nuet e mirar a veyer se tenebe suerte con las luces. Yo estoi que no'n tenié guaire, pero vusaltros chuzgaretz :-)