lunes, 12 de noviembre de 2012

Fin de l'agüerro

Pos ixo, que se m'ha rematato ya l'agüerro. Cal esperar una miqueta menos d'un anyo (que se me va a fer muit largo) pa poder rabentar las ninnetas d'es uellos con las colors d'esta epoca. E no ye perque no en quede (ahier, plevendo, la carretera entre Bielsa e La Enfortunada yera espectacular), como tos mostraré contino, seno perque el cabo semana que viene no podré salir, e pa l'altro ya no'n quedará gota, ni una fuella. Snif.
Pero bueno, encara que l'anyo pasato me quedé més contento que no este con las fotos conseguitas, l'agüerro de 2012 tampoco no ye estato brenca mal. He puesto ir ta qualques puestos (Buixaruelo, Ordesa, prou que Pineta) e he feto fotos que, sin estar pa tirar codetes, son potables. Ahier, como despedita de l'agüerro, marché sin un destín fixo pero sí que sabebe la primer parte de la ruta: la carretera entre Fanlo e Sarvisé. Espectacular, l'agüerro en el suyo clímax, impresionant, pa que se te cayés la baba e tot el que se tos ocurra. Pleveba, i heba boiras, las colors hipersaturatas... la pena ye que no le sabié quitar tot el que m'ufriba.






 D'astí marché enta Buixaruelo, ta un puesto que fotografié l'anyo pasato. Como ye més alto e més frío, ya quedaba pocas fuellas en es árbols, yeran quasi totas per tierra e per lo río. Pero nunca no defrauda, e bel·la imachen me llevé enta casa.

 

3 comentarios:

  1. No sé de què et queixes, perquè estan molt bé les imatges. L'última de la primera tanda em sembla esplèndida.
    Felicitats :-)

    ResponderEliminar
  2. Gracias a los dos por pasar.
    pepet, l'any passat vaig estar més content de les fotos que havia fet, aquest any no ha estat gens mal, però no pas com la tardor passada. Qué hi farem... :-)

    ResponderEliminar