lunes, 13 de julio de 2009

Capellanetz (Pyrrhula pyrrhula)

No he sentito nuca el nombre en aragonés pa esta especie de paixarico (en castellano ye camachuelo, e en catalán pinsà borroner), encara que Vidaller (en el suyo Libro de As matas y os animals) diz que talment en Bielsa se le diga capellanet. Yo a'l menos nunca el he sentito, que no quiere decir ni muto menos que no exista, habrí a preguntar-lo; pero cuento que ixe nombre le vendrá per la color del peto d'el masto.
Fa pocos días viyé que una parella yera ateclando el niedo en una mata de buixo, deixé el auto cerqueta (yeran fetos a veyer ixe auto a'l canto), amané la camara e las valors oportunas (mismo el flash, perque encara no heba salito el sol) e disparé cuantas fotos. Con tot e con ixo m'he visto obligato a fer cualque recorte, perque el 300 mm. (420 en reyalidat) no da pa tanto, e menos éste que no ye guaire buen,perque no me i querié apretar guaire. Con tot e con ixo m'he feto contento de las primers prebas que he feto dende el "auto-esconderite" (u "coche-hide" que diría bel·laún).
Seguntes la mía guía de paixaricos (la de Omega): "las parellas de capellanetz a menuto ya se fan d'agüerro. D'hibierno van chuntos per tot arreu e a partir de marzo miran un lugar pa fer el niedo. S'alimentan de materia vechetal e s'estiman més chitos de cirgüellos e acirons, asinas como per semillas d'ixordicas e d'acirons. Manimenos, las aus chóbens se crían con cucos".
El masto:

E la fembra, con rametas pa'l niedo:

7 comentarios:

  1. Que sea la última vez que vas fotografiando a escondidas las parejas de enamorados. Eso está muy feo. Ay si te ve el guarda del parque!
    Cuando tengan el nido y polluelos es para poner una cámara fija.

    ResponderEliminar
  2. Creo que todos a los que nos gusta la fotografía somos un poco voyeurs, aunqeu nuestra miradase dirige a la estética, ¿no?. Y bueno, ser voyeur de los bichos, flores y paisajes no es tan grave como serlo de personas :)
    Fins aviat.

    ResponderEliminar
  3. Pues mai no eba bisto iste paixaret, polidas fotos.

    Estié en a tuya tierra a semana zaguera mientras 5 diyas beyendo sarrios y clunxigüesos. Polius paisaches, normal que te salgan tan bien as fotos.

    ResponderEliminar
  4. Alberto, ¿qué cosa que no diciores cosa? podrinos haber-nos feto bel·la canya e charrutiar un ratet. Bueno, dica una altra se quiers.

    ResponderEliminar
  5. Ye que estié por Ainsa-Rebilla fendo un curso y un diya puyemos a Bielsa a o ¿puerto biello? a beyer sarrios, no paremos en o lugar ni cosa.
    Bueno, qui sabe si bi tornaré, se me quedón as ganas de fer-ie muitas cosas.

    ResponderEliminar
  6. Fan buena parella y por o que se bei no son de mal beyer. Ha quedato prou bien. Parix que os dos sigan mirando-te fito-fito, tienen os güellos enfilatos t'a camara, no sé si será porque te bidon u porque quereban salir pinchos en a foto.

    ResponderEliminar
  7. O "cardenal" ye conoxito por as chens d'os semontanos, que gosaban pillar-los con besque. Con ixe nombre aparixe en Vidaller en Buera, Monzón, Uesca, Balbastro y a Llitera. En Capella, con duda, abadet, como capellanet en Bielsa. Ye fázil que siga asinas, pues, amás d'a color royinegra, fa papada y ye como chitau ta zaga, igual que un mosen pincho.

    Pardo lo replega en tres lugars de Uesca, y Ríos Naceyro, en 1850, en Galizia (cardenal y cardeal). Bernis diz que camachuelo, ta o castellano, ye una entibocazión y proposa pírrula.

    En o Haut-Adour, a l'otro costau d'a güega de Bielsa y más t'allá (departamento de Gers), le dizen pion, seguntes F. Beigbeder, bien de pivoine, a peroña (chenero Paeonia), bien como onomatopeya.

    ResponderEliminar